Los puntos de la denuncia del concejal de Compromisu por Carreño contra el concejal de Unión Independiente de Carreño

Roberto Holgado. -Foto Compromisu por Carreño-
Según publicó ayer el diario El Comercio: El concejal Roberto Holgado demanda por calumnias al edil Ramón Artime. Estos son los puntos en los que Holgado sustenta la acción y que publica en el blog de su organización.

Fuente: Publicación de Compromisu por Carreño.

1- Ante les manifestaciones calumnioses feches pol voceru d’UICA, Ramón Artime, escontra la mi persona, nes que acusábaseme de corrupción  por conseguir el mio trabayu por enchufismo políticu, faigo público que’l vienres 31 de xineru interpuse una  demanda xudicial escontra esta persona pa defender la mi ética y honor.

2- La utilización del voceru d’UICA del insultu, la mentira y la calumnia de manera sistemática como forma de facer política descalifícalo como dignu representante de la ciudadanía de Carreño.
3- Ye inalmisible nel ámbetu de la política l’ataque personal y calumniosu cola intención de perxudicar y estigmatizar a les persones na so vida privada, y el facelo descalifica a quien lo fai.
4- Acudo a la xusticia a buscar amparu, ya que nun tengo nada que ocultar, y teniendo claro qu’enxamás la mi ética me permitiría actuar de manera corrupta como manifiesta esta persona.
5- Acepté el puestu de trabayu na empresa privada  Gesport Nalón que concurrió en concurso público y transparente, y resultó concesionaria (enantes de yo ser conceyal) de la prestación del serviciu de recepción de la Piscina d’Antromero, sólo dempués de que la secretaria de la mancomunidá me manifestase por escrito que nun esistía nenguna incompativilidá pa ocupar esi puestu.
6- El contratu de trabayu que  firmé cuando entamé a trabayar fue de por 5,5 hores semanales, y a día de güei ye de 17,5 hores semanales, cobrando nestos momentos 537 euros. Tamién hai que dicir que la última nómina que cobré a dia de güei ( pola crisis de la  Mancominidá) ye la del mes de xunetu, aculumulando seyes meses de retrasu casi dende’l primer dia qu’entamé a trabayar.
7- Dempués d’esixir a esta persona nel plenu d’avientu  una rectificación pública de les manifestaciones calumnioses que vertiera escontra mi nel plenu del mes anterior, nun sólo nun rectificó sinón que vinculó a tolos militantes d’UICA nestes mesmes declaraciones. Lo que pon n’evidencia que toi  frente a una campaña de difamación hacia la mi persona por parte de tola militancia d’UICA.
8- Tengo claro que cuando una persona, como soi yo nesti casu, se siente calumniada , lo que debe facer si tien la concencia tranquila ye exercer les medides xudiciales afayaices pa salvaguardar el so honor.
9- Resulta paradóxicu que quien diz que se sintió calumniau por el tema de PROCASA, seya güei el que s’encarga de calumniar de manera gratuita y sin fundamentu nengún a los sos  alversarios políticos.
10- Quiero esclariar que na demanda nun se pide perres como compensación a les calumnies, ye una cuestión d’ética y honor.
11- Acudo a la xusticia porque nun atopo otra forma de frenar la campaña calumniosa d’UICA y del so voceru nunos momentos nos que les acusaciones de corrupción adquieren una gran alarma social y estigmaticen a les persones que como yo son acusades de manera inxusta.
12- Llamento fonderamente que UICA, herencia política de Pelís , fuese secuestrada y puesta a dimposición de los odios y rencores del voceru d’UICA.
Roberto Holgado, Conceyal de Compromisu por Carreño.

No hay comentarios:

Nuestro Facebook: Carreño Actualidad